3. S’agetivu

1. Formas e collocatzione

   S'agetivu detèrminat sa calidade de su nùmene.
   Si ponet a pustis de su nùmene francu carchi casu particulare.

2. Cumparatzione

   (1) Su cumparativu de ugualiàntzia di format cun: cantu, che a
   Su cumparativu de superioridade si format cun: prus chi non, prus de, prus pagu de
   Su cumparativu de inferioridade si forma cun: prus pagu chi non

   Pro nàrrere:

   (1) Elena est bella che a Lionora
   Frantzisca est prus bella chi non Gonària / Frantzisca est prus bella de Gonària
   Lughia est prus pagu bella chi non Giuanna
   Sos cumparativos de bonu e malu sunt mègius, su mègius e peus, su peus.

   Su superlativu si format cun sa ripetitzione de s'agetivu o de s'avèrbiu.
   Pro nàrrere:

   Antoni est artu artu
   Bissente est forte forte

3. Possessivu, dimustrativu, indefinidu, numerale, relativu

   Sos agetivos possessivos inditant una relatzione de apartenèntzia.
   Sos agetivos possessivos sunt:

   	Persone	Maschile	Feminile	Maschile	Feminile
   Singulare	1	meu/miu	mea/mia	meos/mios	meas/mias
   	2	tuo	tua	tuos	tuas
   	3	suo	sua	suos	suas
   Plurale	1	nostru	nostra	nostros	nostras
   	2	bostru	bostra	bostros	bostras
   	3	issoro	issoro	issoro	issoro

   S'agetivu possessivu andat semper a pustis, che a sos àteros agetivos.
   Pro nàrrere:
   Custa est sorre mea;
   Cussu est su pane bostru;
   Cuddos sunt sos fìgios issoro
   Sos agetivos indefinidos inditant unidades e cantidades indefinidas.
   Sos agetivos indefinidos sunt:
   nemos, perunu, carchi, unos cantos, àteru, totu, ognunu, cadaunu, bastante, meda
   Sos numerales nos dant informatzione subra de sas cantidade de su nùmene.
   Sos numerales sunt cardinales o ordinales.

   	Cardinales		Ordinales
   1	unu	I	su de unu, primu
   2	duos/duas	II	su de duos/duas, segundu/segunda
   3	tres	III	su de tres
   4	bator	IV	su de bator
   5	chimbe	V	su de chimbe
   6	ses	VI	su de ses
   7	sete	VII	su de sete
   8	oto	VIII	su de oto
   9	noe	IX	su de noe
   10	deghe	X	su de deghe
   11	ùndighi	XI	su de ùndighi
   12	dòighi	XII	su de dòighi
   13	trèighi	XIII	su de trèighi
   14	batòrdighi	XIV	su de batòrdighi
   15	bìndighi	XV	su de bìndighi
   16	sèighi	XVI	su de sèighi
   17	deghessete	XVII	su de deghessete
   18	degheoto	XVIII	su de degheoto
   19	deghennoe	XIX	su de deghennoe
   20	binti	XX	su de binti
   21	bintunu	XXI	su de bintunu
   22	bintiduos/bintiduas	XXII	su de bintiduos/bintiduas
   23	bintitrès	XXIII	su de bintitrès
   24	bintibator	XXIV	su de bintibator
   25	bintighimbe	XXV	su de bintighimbe
   26	bintisès	XXVI	su de bintisès
   27	bintisete	XXVII	su de bintisete
   28	bintoto	XXVIII	su de bintoto
   29	bintinoe	XXIX	su de bintinoe
   30	trinta	XXX	su de trinta
   31	trintunu	XXXI	su de trintunu
   40	baranta	XL	su de baranta
   50	chimbanta	L	su de chimbanta
   60	sessanta	LX	su de sessanta
   70	setanta	LXX	su de setanta
   80	otanta	LXXX	su de otanta
   90	noranta	XC	su de noranta
   100	chentu	C	su/sa de chentu
   101	chentu e unu	CI	su/sa de chentu e unu
   200	dughentos/dughentas	CC	su/sa de dughentos/as
   300	treghentos/as	CCC	su/sa de treghentos/as
   400	batorghentos/as	CCCC	su/sa de batorghentos/as
   500	chimbighentos/as	D	su/sa de chimbighentos/as
   600	seschentos/as	DC	su/sa de seschentos/as
   700	setighentos/as	DCC	su/sa de setighentos/as
   800	otighentos/as	DCCC	su/sa de otighentos/as
   900	noighentos/as	CM	su/sa de noighentos/as
   1.000	milli	M	su de milli
   1.000.000	unu millione	X	su/sa de unu millione
   1.000.000.000	unu milliardu	M	su/sa de unu milliardu