5. Su verbu

1. Modos e coniugatziones

   Su verbu est cudda parte de sa frase chi espressat s'atzione chi faghet su sugetu e lu ligat a àteros elementos, chi sunt sos cumplementos. Pro espressare sas modalidades diferentes chi podet tènnere un'atzione bi sunt sos modos verbales. Sos modos podent èssere finidos e infinidos.
   Sos modos finidos definint sa persone, chi podet èssere sa prima, sa de suas, sa de tres, e su nùmeru, chi podet èssere singulare o plurale. Sos modos infinidos imbetzes non nos dant custos inditos.

   Modos finidos	Modos infinidos
   Indicativu	Infinidu
   Congiuntivu	Partitzìpiu
   Cunditzionale	Gerùndiu
   Imperativu

   Sas coniugatziones sunt tres:

   Sa de una	Sa de duas	Sa de tres
   -are	-ere	-ire

2. Sos tempos

   Su tempus verbale nos inditat cando est collocada s'atzione.
   Su tempus podet èssere presente, coladu o benidore e podet èssere simpre o cumpostu.
   cante(s)i - cantesti - canteit - cantemus - canteist - canteint

3. Sa prima coniugatzione (-are)

   • Indicativu

     	Presente
     deo	canto
     tue	cantas
     isse/u, issa	cantat
     nois	cantamus
     bois	cantades
     issos, issas	cantant

     	Passadu
     	Imperfetu	Passadu pròssimu	Trapassadu pròssimu	Passadu remotu
     deo	cantaia	apo cantadu	aia cantadu	cante(s)i
     tue	cantaias	as cantadu	aias cantadu	cantesti
     isse/u, issa	cantaiat	at cantadu	aiat cantadu	canteit
     nois	cantaìamus	amus cantadu	aìamus cantadu	cantemus
     bois	cantaìais	ais cantadu	aìais cantadu	canteist
     issos, issas	cantaiant	ant cantadu	aiant cantadu	canteint

     	Benidore
     	Simpre	Anteriore
     deo	apo a cantare	apo a àere cantadu
     tue	as a cantare	as a àere cantadu
     isse/u, issa	at a cantare	at a àere cantadu
     nois	amus a cantare	amus a àere cantadu
     bois	ais a cantare	ais a àere cantadu
     issos, issas	ant a cantare	ant a àere cantadu

   • Congiuntivu

     	Presente
     deo	cante
     tue	cantes
     isse/u, issa	cantet
     nois	cantemus
     bois	canteis
     issos, issas	cantent

     	Passadu
     	Imperfetu	Passadu	Trapassadu
     deo	cantare	apa cantadu	aere cantadu
     tue	cantares	apas cantadu	aeres cantadu
     isse/u, issa	cantaret	apat cantadu	aeret cantadu
     nois	cantaremus	apamus cantadu	aeremus cantadu
     bois	cantareis	apais cantadu	aereis cantadu
     issos, issas	cantarent	apant cantadu	aerent cantadu

   • Cunditzionale

     	Presente	Passadu
     deo	dia cantare	dia àere cantadu
     tue	dias cantare	dias àere cantadu
     isse/u, issa	diat cantare	diat àere cantadu
     nois	diamus cantare	diamus àere cantadu
     bois	diais cantare	diais àere cantadu
     issos, issas	diant cantare	diant àere cantadu

   • Imperativu

     	Positivu	Negativu
     tue	canta	non cantes
     isse/u, issa	cantet	non cantet
     nois	cantemus	non cantemus
     bois	cantade	non canteis
     issos, issas	cantent	non cantent

   • Infinidu

     Presente	Passadu
     cantare	àere cantadu

   • Partitzìpiu

     cantadu

   • Gerùndiu

     Presente	Passadu
     cantende	aende cantadu

4. Sa segunda coniugatzione (-ere)

   • Indicativu

     	Presente
     deo	timo
     tue	times
     isse/u, issa	timet
     nois	timimus
     bois	timides
     issos, issas	timent

     	Passadu
     	Imperfetu	Passadu pròssimu	Trapassadu pròssimu	Passadu remotu
     deo	timia	apo tìmidu	aia tìmidu	time(s)i
     tue	timias	as tìmidu	aias tìmidu	timesti
     isse/u, issa	timiat	at tìmidu	aiat tìmidu	timeit
     nois	timìamus	amus tìmidu	aìamus tìmidu	timemus
     bois	timìais	ais tìmidu	aìais tìmidu	timeist
     issos, issas	timiant	ant tìmidu	aiant tìmidu	timeint

     	Benidore
     	Simpre	Anteriore
     deo	apo a tìmere	apo a àere tìmidu
     tue	as a tìmere	as a àere tìmidu
     isse/u, issa	at a tìmere	at a àere tìmidu
     nois	amus a tìmere	amus a àere tìmidu
     bois	ais a tìmere	ais a àere tìmidu
     issos, issas	ant a tìmere	ant a àere tìmidu

   • Congiuntivu

     	Presente
     deo	tima
     tue	timas
     isse/u, issa	timat
     nois	timamus
     bois	timais
     issos, issas	timant

     	Passadu
     	Imperfetu	Passadu	Trapassadu
     deo	timere	apa tìmidu	aere tìmidu
     tue	timeres	apas tìmidu	aeres tìmidu
     isse/u, issa	timeret	apat tìmidu	aeret tìmidu
     nois	timeremus	apamus tìmidu	aeremus tìmidu
     bois	timereis	apais tìmidu	aereis tìmidu
     issos, issas	timerent	apant tìmidu	aerent tìmidu

   • Cunditzionale

     	Presente	Passadu
     deo	dia tìmere	dia àere tìmidu
     tue	dias tìmere	dias àere tìmidu
     isse/u, issa	diat tìmere	diat àere tìmidu
     nois	diamus tìmere	diamus àere tìmidu
     bois	diais tìmere	diais àere tìmidu
     issos, issas	diant tìmere	diant àere tìmidu

   • Imperativu

     	Positivu	Negativu
     tue	time	non timas
     isse/u, issa	timat	non timat
     nois	timamus	non timamus
     bois	timide	non timais
     issos, issas	timant	non timant

   • Infinidu

     Presente	Passadu
     tìmere	àere tìmidu

   • Partitzìpiu

     tìmidu

   • Gerùndiu

     Presente	Passadu
     timende	aende tìmidu

5. Sa de tres coniugatziones (-ire)

   • Indicativu

     	Presente
     deo	dormo
     tue	dormis
     isse/u, issa	dormit
     nois	dormimus
     bois	dormides
     issos, issas	dormint

     	Passadu
     	Imperfetu	Passadu pròssimu	Trapassadu pròssimu	Passadu remotu
     deo	dormia	apo dormidu	aia dormidu	dorme(s)i
     tue	timias	as dormidu	aias dormidu	dormesti
     isse/u, issa	dormiat	at dormidu	aiat dormidu	dormeit
     nois	dormìamus	amus dormidu	aìamus dormidu	dormemus
     bois	dormìais	ais dormidu	aìais dormidu	dormeist
     issos, issas	dormiant	ant dormidu	aiant dormidu	dormeint

     	Benidore
     	Simpre	Anteriore
     deo	apo a dormire	apo a àere dormidu
     tue	as a dormire	as a àere dormidu
     isse/u, issa	at a dormire	at a àere dormidu
     nois	amus a dormire	amus a àere dormidu
     bois	ais a dormire	ais a àere dormidu
     issos, issas	ant a dormire	ant a àere dormidu

   • Congiuntivu

     	Presente
     deo	dorma
     tue	dormas
     isse/u, issa	dormat
     nois	dormamus
     bois	dormais
     issos, issas	dormant

     	Passadu
     	Imperfetu	Passadu	Trapassadu
     deo	dormire	apa dormidu	aere dormidu
     tue	dormires	apas dormidu	aeres dormidu
     isse/u, issa	dormiret	apat dormidu	aeret dormidu
     nois	dormiremus	apamus dormidu	aeremus dormidu
     bois	dormireis	apais dormidu	aereis dormidu
     issos, issas	dormirent	apant dormidu	aerent dormidu

   • Cunditzionale

     	Presente	Passadu
     deo	dia dormire	dia àere dormidu
     tue	dias dormire	dias àere dormidu
     isse/u, issa	diat dormire	diat àere dormidu
     nois	diamus dormire	diamus àere dormidu
     bois	diais dormire	diais àere dormidu
     issos, issas	diant dormire	diant àere dormidu

   • Imperativu

     	Positivu	Negativu
     tue	dormi	non dormas
     isse/u, issa	dormat	non dormat
     nois	dormamus	non dormamus
     bois	dormide	non dormais
     issos, issas	dormant	non dormant

   • Infinidu

     Presente	Passadu
     dormire	àere dormidu

   • Partitzìpiu

     dormidu

   • Gerùndiu

     Presente	Passadu
     dormende	aende dormidu

6. Verbos irregulares e difetivos

   • Indicativu

     	Presente
     deo	dao
     tue	das
     isse/u, issa	dat
     nois	damus
     bois	dais
     issos, issas	dant

     	Passadu
     	Imperfetu	Passadu pròssimu	Trapassadu pròssimu	Passadu remotu
     deo	daia	apo dadu	aia dadu	de(s)i
     tue	daias	as dadu	aias dadu	deist
     isse/u, issa	daiat	at dadu	aiat dadu	deit
     nois	daìamus	amus dadu	aìamus dadu	demus
     bois	daìais	ais dadu	aìais dadu	deist
     issos, issas	daiant	ant dadu	aiant dadu	deint

     	Benidore
     	Simpre	Anteriore
     deo	apo a dare	apo a àere dadu
     tue	as a dare	as a àere dadu
     isse/u, issa	at a dare	at a àere dadu
     nois	amus a dare	amus a àere dadu
     bois	ais a dare	ais a àere dadu
     issos, issas	ant a dare	ant a àere dadu

   • Congiuntivu

     	Presente
     deo	dia
     tue	dias
     isse/u, issa	diat
     nois	diamus
     bois	diais
     issos, issas	diant

     	Passadu
     	Imperfetu	Passadu	Trapassadu
     deo	daia	apa dadu	aere dadu
     tue	daias	apas dadu	aeres dadu
     isse/u, issa	daiat	apat dadu	aeret dadu
     nois	daìamus	apamus dadu	aeremus dadu
     bois	daìais	apais dadu	aereis dadu
     issos, issas	daiant	apant dadu	aerent dadu

   • Cunditzionale

     	Presente	Passadu
     deo	dia dare	dia àere dadu
     tue	dias dare	dias àere dadu
     isse/u, issa	diat dare	diat àere dadu
     nois	diamus dare	diamus àere dadu
     bois	diais dare	diais àere dadu
     issos, issas	diant dare	diant àere dadu

   • Imperativu

     	Positivu	Negativu
     tue	dae	non dias
     isse/u, issa	diat	non diat
     nois	diamus	non diamus
     bois	dage	non diais
     issos, issas	diant	non diant

   • Infinidu

     Presente	Passadu
     dare	àere dadu

   • Partitzìpiu

     dadu

   • Gerùndiu

     Presente	Passadu
     dende	aende dadu

   Sos verbos difetivos sunt cuddos chi lis mancat carchi tempus o carchi persone.
   Pro nàrrere:
   pròere, niare, grandinare

7. Funtziones de sos modos

   Su modu indicativu cheret impreadu pro inditare un'atzione tzerta e reale.
   Su congiuntivu imbetzes cheret impreadu pro espressare duda, disìgiu, isperàntzia.
   Su cunditzionale espressat ipòtesi, irrealidade e probabilidade.
   Deo naro ca est gasi
   Deo ispero chi siat gasi
   Deo dia nàrrere a nos nch'andare
   

8. Formas e usu de sos tempos verbales

   Su presente est unu tempus chi si usat pro inditare un'atzione in su momentu chi la faghent o in unu momentu a curtzu. In custu ùrtimu casu tenet finas funtziones de tempus benidore.
   In prus si podet usare pro inditare un'atzione chi si repitet semper.
   In fines, esistit puru su presente istòricu, chi si podet impreare pro contare fatos giai capitados.
   Faghe sos còmpitos
   Cras ando a tzìnema
   Sa domìniga sas iscolas sunt serradas
   Cumintzat sa Prima Gherra Mundiale e mìgias e mìgias de sardos morint in batàllia.
   Su tempus benidore inditat un'atzione chi galu non s'est realizada. Pro espressare un'atzione in su benidore a curtzu si podet usare, comente amus bidu in antis, su presente. Si podet finas usare su verbu dèpere, mescamente pro inditare unu'impignu leadu o una cosa chi amus giai detzìdidu de fàghere.
   Su tempus benidore grammaticale a su sòlitu si usat pro unu benidore chi est galu a tesu e finas pro espressare duda e possibilidade.
   Pusticràs mi còmporo cuddu libru.
   Domìniga depo andare a sa partida.
   S'annu chi benit m'apo a cojuare / S'annu chi benit mi còjuo.
   T'as a laureare cras si sighis gasi!
   Si faghet tempus bellu mi nch'apo andare a mare etotu.
   S'imperfetu serbit pro rapresentare un'atzione colada e sighida.
   In prus si podet usare cando faghimus una pregonta pro pedire carchi cosa.
   Andaiant semper a giogare a botza.
   Ti cheria pregontare si ses lìberu custu sero.
   Salude, cheria ischire sos oràrios de su postale, pro praghere.
   Su passadu pròssimu, trapassadu pròssimu e remotu inditant un'atzione colada e finida.
   Su trapassadu inditat unu momentu anteriore a s'atzione decrita in sa frase.
   Su passadu remotu, chi in Sardigna est limitadu a unas cantas biddas, si podet usare pro un'atzione chi est colada dae tempus meda.
   Apo giai iscritu sa lìtera
   Cando so torradu a domo issu si nche fiat giai andadu
   Est nàschidu in su 1780/Nascheit in su 1780
   Presente e imperfetu congiuntivu
   Custos tempos si usant mescamente pro espressare unu disìgiu, pro nàrrere in sos frastimos, o una duda.
   Ancu ti bidant santu!
   Creo chi siat serradu.

9. Gènere e formas

Sos tempos podent èssere sintèticos, cando sunt cumpostos dae unu faeddu ebbia, analìticos, cando sunt cumpostos dae duos o prus faeddos, pro nàrrere apo a andare, e perifràsticos, chi sunt costituidos su matessi dae prus faeddos.
Sa perìfrasi progressiva b'est siat pro su presente siat pro su passadu.
Si usat su verbu èssere prus su gerùndiu, pro inditare un'atzione chi est, o fiat, in progressu.
Non potzo bènnere ca so faghende cosa
Cando l'apo bidu fiat andende a iscola
A prus de sa forma ativa, cumposta dae sugetu + verbu + cumplementu ogetu, b'est finas sa forma passiva, in ue su cumplementu si faghet sugetu.
Su pastore at murtu sa berbeghe
Sa berbeghe est istada murta dae su pastore
Sa forma passiva in sardu no est usada meda. A bias si preferit mantènnere sa forma ativa cambiende però s'òrdine de sos cumponentes e ponende su cumplementu in prima positzione.
In custu casu tenimus sa "dislocatzione a manca":
Sa berbeghe l'at murta su pastore