Limba e Logos de Sardigna
Limba > Sintassi de sa frase cumpleta
Sintassi de sa frase cumpleta
Bi sunt frases subordinadas temporales cando delìmitant su tempus de s'atzione inditadu dae sa printzipale.
4. Sa subordinatzione
Cando duas frases autònomas sunt ligadas a pare dae una congiuntzione e s'atzione de sa segunda dipendet dae s'atzione e dae su verbu de sa prima, b'at subordinatzione.
Bi sunt frases subordinadas cumpletivas cando b'at unu cumpletamentu de su significadu de sa printzipale.
Sas cumpletivas podent èssere ogetivas, sugetivas, interrogativas
siat esplìtzitas siat implìtzitas.
Subordinadas Cumpletivas
| Esplìtzitas | Implìtzitas | |
|---|---|---|
| Sugetivas | Est beru chi si sunt firmados | Tocat a andare |
| Ogetivas | Ispero chi mi paghent | Ti cheria saludare |
| Interrogativas | Cheria ischire chie fiat | No ischiat comente fàghere |
Cando sunt arribbados sos aragonesos sa Sardigna fiat indipendente
Bi sunt frases subordinadas finales cando est inditadu s'iscopu de sa printzipale.
Si nch'est fuidu pro no l'arrestare
Bi sunt frases subordinadas causales cando est inditada sa càusa de s'atzione fata.
No est andadu a iscola ca fiat malàidu
Bi sunt frases subordinadas cunditzionales cando est inditada sa cunditzione de rispetare pro fàghere s'atzione de sa printzipale.
Si non proet andamus a sa partida
Bi sunt frases subordinadas cuntzessivas cando est inditadu s'impedimentu a s'atzione fata.
Mancari bi lu nàrgias issu lu faghet etotu