Limba > Sintassi

Sintassi

6. Su cumplementu ogetu

Rispondet a sas pregontas:
a chie? (cando s'ogetu est una persone),
ite? (cando s'ogetu est una cosa o un'animale)

Apo bidu a Luisi / Apo mandigadu petza

Cando s'ogetu est una persone sa a si ponet semper: in dae in antis de nùmene pròpiu, de tèrmine de parentela sena artìculu

Apo saludadu a Danielle / Apo saludadu a sorre tua

Ma b'at faeddos in ue sa a la ponent semper, bastis chi s'ogetu siat una persone:

Apo iscutu a sos pipios / Ant mortu a su Re

Sa a si usat finas cando s'ogetu est un'animale de propiedade, pro nàrrere unu cane o unu gatu:

Como iscapo a Pilurtzu

E si usat puru pro inditare una bidda, o tzitade:

Già so una die sena bìdere a Casteddu