Limba e Logos de Sardigna
Logos > Sardigna
Sa Sardigna
Sa Sardigna contat a dies de oe 1.675.411 abitantes, partzidos in oto provìntzias e 377 comunas. In sa provìntzia de Gaddura (Terranoa-Tèmpiu) istant 157.859 persones; in sa de Casteddu 563.180; in sa de Tàtari 337.237; in sa de Nùgoro 160.677; in sa de Ogiastra 57.965; in sa de su Campidanu de Mesu 102.409; in sa de su Sulcis-Igresiente (Carbònia-Igrèsias) 129.840 e in sa de Aristanis 166.244 abitantes. Sas biddas mannas de sas oto provìntzias sunt Casteddu (157.859 abitantes); Carbònia (30.086) e Igrèsias (27.599); Biddacidru (14.544) e Seddori (8.544); Nùgoro (36.469); Tortolì e Lanusè (10.651 abitantes sa prima e 5.711 s'àtera); Terranoa e Tèmpiu (53.923 sa prima e s'àtera 14.241 abitantes); Aristanis (32.461); Tàtari (130.701).
Una de sas nodidesas chi prus ispantant de sa Sardigna est sa densidade demogràfica sua, una de sas prus bassas in Europa: 70 abitantes cada chilòmetru cuadru. Est pagu prus o mancu su tres duos de sa densidade demogràfica de s'Unione europea, 133 abitantes cada chilòmetru cuadru e su tres unu de cudda de s'Itàlia, 197. In Europa est prus arta de logos che a sa Letònia, su Montenegru e s'Irlanda.
Sa Sardigna est, paris cun àteras siat in Itàlia e siat in Europa, terra de disterru dae àteras regiones de su mundu, mescamente de su chi si narat “tertzu” mundu. Ma est istada terra de emigratzione pro tempus meda a comintzare nessi dae s'Otighentos. Cumintzada in su 1881 dae pagos sardos chi chircaiant traballu àteru ue, s'emigratzione est crèschida cun sa aumentada de sa populatzione finas a su 1921 minimende tando finas a sos annos deretu a pustis de sa gherra. At torradu a cumintzare intre su 1951 e su 1961 pro si fàghere meda forte in sos annos Sessanta e Setanta, cando s'emigratzione sarda s'est acurtziada in cantu a pro chentu a cussu de su Merie de Itàlia, dae ue in sos annos 1961-1971 fiant mòidas belle unu millione e mesu de persones.
Intre sos duos e sos ses mìgia cada annu in sa fine de s'Otighentos e in su cumintzu de su Noighentos, sos disterrados sardos sunt istados belle 150 mìgia intre su '61 e su '71. In cussos annos sunt emigrados prus de deghe sardos cada milli abitantes. E a contos fatos si narat chi belle mesu millione de sardos ant connotu su caminu de su disterru. Francu pro sos immigrados de custos ùrtimos annos, sa Sardigna at connotu in su tempus coladu sa cròmpida de colonos in Fertìlia e in Arborea. S'emigratzione no est agabbada galu. Est però cambiada: a essire foras de Sardigna sunt como sos laureados chi no agatende traballu in s'ìsula lu chircant su prus in terras istràngias. Nùmeros non bi nd'at, ma su fenòmenu est de importu.
9. Sa demografia
Sa Sardigna contat a dies de oe 1.675.411 abitantes, partzidos in oto provìntzias e 377 comunas. In sa provìntzia de Gaddura (Terranoa-Tèmpiu) istant 157.859 persones; in sa de Casteddu 563.180; in sa de Tàtari 337.237; in sa de Nùgoro 160.677; in sa de Ogiastra 57.965; in sa de su Campidanu de Mesu 102.409; in sa de su Sulcis-Igresiente (Carbònia-Igrèsias) 129.840 e in sa de Aristanis 166.244 abitantes. Sas biddas mannas de sas oto provìntzias sunt Casteddu (157.859 abitantes); Carbònia (30.086) e Igrèsias (27.599); Biddacidru (14.544) e Seddori (8.544); Nùgoro (36.469); Tortolì e Lanusè (10.651 abitantes sa prima e 5.711 s'àtera); Terranoa e Tèmpiu (53.923 sa prima e s'àtera 14.241 abitantes); Aristanis (32.461); Tàtari (130.701).Una de sas nodidesas chi prus ispantant de sa Sardigna est sa densidade demogràfica sua, una de sas prus bassas in Europa: 70 abitantes cada chilòmetru cuadru. Est pagu prus o mancu su tres duos de sa densidade demogràfica de s'Unione europea, 133 abitantes cada chilòmetru cuadru e su tres unu de cudda de s'Itàlia, 197. In Europa est prus arta de logos che a sa Letònia, su Montenegru e s'Irlanda.
Sa Sardigna est, paris cun àteras siat in Itàlia e siat in Europa, terra de disterru dae àteras regiones de su mundu, mescamente de su chi si narat “tertzu” mundu. Ma est istada terra de emigratzione pro tempus meda a comintzare nessi dae s'Otighentos. Cumintzada in su 1881 dae pagos sardos chi chircaiant traballu àteru ue, s'emigratzione est crèschida cun sa aumentada de sa populatzione finas a su 1921 minimende tando finas a sos annos deretu a pustis de sa gherra. At torradu a cumintzare intre su 1951 e su 1961 pro si fàghere meda forte in sos annos Sessanta e Setanta, cando s'emigratzione sarda s'est acurtziada in cantu a pro chentu a cussu de su Merie de Itàlia, dae ue in sos annos 1961-1971 fiant mòidas belle unu millione e mesu de persones.
Intre sos duos e sos ses mìgia cada annu in sa fine de s'Otighentos e in su cumintzu de su Noighentos, sos disterrados sardos sunt istados belle 150 mìgia intre su '61 e su '71. In cussos annos sunt emigrados prus de deghe sardos cada milli abitantes. E a contos fatos si narat chi belle mesu millione de sardos ant connotu su caminu de su disterru. Francu pro sos immigrados de custos ùrtimos annos, sa Sardigna at connotu in su tempus coladu sa cròmpida de colonos in Fertìlia e in Arborea. S'emigratzione no est agabbada galu. Est però cambiada: a essire foras de Sardigna sunt como sos laureados chi no agatende traballu in s'ìsula lu chircant su prus in terras istràngias. Nùmeros non bi nd'at, ma su fenòmenu est de importu.
Sa densidade demogràfica bassa de sa Sardigna est connota dae sos tempos prus antigos, finas si b'at a chie, comente s'archeòlogu Giuanni Ugas, est cumbintu chi in s'era de sos nuraghes sa Sardigna fiat meda prus populada de su chi medas pensant. Sos istùdios fatos dae Ugas li faghent cunsiderare chi intre su 1500 e su 1200 in antis de Gesucristu, in sas 3.000 biddas nuraghesas e in 7.500-8.000 de nuraghes b'istaiant dae 450.000 a 700.000 persones. A su chi naraiat in su 1923 s'archeòlogu Ettore Pais in su perìodu de su domìniu romanu sas persones chi istaiant in s'ìsula fiat 300 mìgia Est de su matessi pàrrere su tedescu K.J. Beloch: a su nàrrere suo puru, agabbende su perìodu pùnicu – e duncas pagos annos in antis de su domìniu de Roma – in Sardigna istaiant cussu tantu de persones. Pro P. Meloni, chi nd'at faeddadu in sos annos de Setanta, in su Primu sèculu in antis de Gesucristu, e duncas in perìodu romanu, sos sardos fiant intamen 150 mìgia.
Noas canteddu prus craras, mancari non seguras, essint a craru in su Mediuevu cando naschent sos istados sardos, sos chi sunt connotos che Giudicados: Casteddu, Arborea, Gaddura e Torres. A su chi narant meda istudiosos de istoriografia, a fùrriu de su 1000 in antis de Gesucristu, sa populatzione sarda fiat dae 300 a 400 mìgia abitantes e finas de prus, narant àteros istoriògrafos. Ma est cando crompent a s'ìsula, in antis pisanos, genovesos e tando sos aragonesos chi si cumintzant a contare sos “fogos”, est a nàrrere sas famìllias. S'istòricu J. Day narat chi in su 1320 sos abitantes fiant 190 mìgia torrados a 89 mìgia trinta annos a pustis, in su 1350. B'aiat tando, sena contare sas tzitades de Casteddu, Bidda de crèsia, Aristanis, Tàtari, S'Alighera, Bosa e Casteddu aragonesu, 757 bidditzolos (chi torrant a 713 in su 1350) cun 26.662 “fogos” chi mìnimant a 16.859 trinta annos a pustis. Non benit bene, craru, a ischire si custu nùmeru e sa realidade fiant sa pròpia cosa, mancari chèrgiat cunsideradu chi cussos fiant tempos de epidemias chi ant ispèrdidu mìgias e mìgias de persones. Pro ischire cantas podiant èssere sas persones tocat de isetare su primu tzensimentu fatu dae su guvernu ispagnolu in su de 17 sèculos, est a nàrrere in su 1668. Tando, a su chi resurtat a sos ispagnolos, sos sardos fiant belle 265 mìgia chi istaiant in 350 bidditzolos e sete tzitades. Sos “fogos”, est a nàrrere sas famìllias, fiant tando belle 70 mìgia.
Sas famìllias, e duncas sos abitantes, chi sunt minimados de nùmeru de pustis custa conta, cumintzant a crèschere de nùmeru in su de 17 e in su de 18 sèculos. B'aiat 61.145 “fogos” e 230.267 “concas” (abitantes) in su 1698; 66.778 famìllias e 260.486 abitantes in su 1698; 82.314 famìllias e 309.932 abitantes in su 1728 e 110.601 “fogos” e 436.759 abitantes in su 1782. Cheret però naradu chi custos nùmeros non sunt seguros meda e chi sos geògrafos punnant a los crèschere de deghe o bìndighi mìgia.
Megiorende sas cunditziones de bida e perfetzionende·si finas sa manera de fàghere sa conta de sas persones, in sos tempos prus a curtzu a nois non solu creschent sos abitantes ma si faghet prus seguru su nùmeru issoro e su primu tzensimentu fatu in su 1861 colende dae su Regnu de Sardigna a su Regnu d'Itàlia bogat a craru chi in s'ìsula, su 31 de Nadale de cussu annu, b'at 609.015 sardos. Creschet sa populatzione e mancari gasi sa densidade sua sighit a èssere de sas prus bassas in Itàlia: de 25 abitantes cada chilòmetru cuadru in su 1861 (belle 100 in Itàlia), àrtziat a 33 (113 in Itàlia) su primu annu de su sèculu nou e est de 40,5 abitantes cada chilòmetru cuadru in su 1931, cando in su restu de s'Istadu est 132 e de 52,5 in su 1951, 156,5 in Itàlia.
Semper in s'Otighentos, sos àteros duos tzensimentos dant custos datos: in su 1871 b'at una crèschida de su 4,6 pro chentu a paragone de sos deghe annos in antis e sa populatzione est tando de 636.413 persones. Deghe annos a pustis, in su 1881 sos abitantes sunt 680.450 e sa crèschida est belle de su 7 pro chentu, mancari tochet de cunsiderare chi in custa conta sunt cunsiderados siat sos chi istant in Sardigna e siat sos chi mancant pro unu tempus minore.
Arribende a su sèculu coladu, moende dae sos annos a pustis de s'ùrtima gherra, cando torrat s'autonomia sarda, bidimus cales sunt sos nùmeros. Dae su 1936 a su 1951 non b'at àpidu peruna conta de sa populatzione e in su 1951 resurtant 1.276.023 abitantes, su 23,4 pro chentu in prus de sos chi sunt istados contados bìndighi annos in antis. In su 1961 creschent de s'11 pro chentu resurtende 1.419.362 abitantes. In su 1971 sunt 1.473.800, creschende petzi de su 3,8 pro chentu. Deghe annos a pustis, in su 1981 sunt 1.594.175 creschende de s'8,2 pro chentu. In su 1991 b'at 1.648.248 abitantes, su 3,4 pro chentu de deghe annos in antis. In su 2001 sos abitantes mìnimant a 1.631.880 persone, s'unu pro chentu in mancu e in su 2010 sunt 1.675.411 (691.244 sas famìllias), crèschidos a paragone de su 2001 ca si cumintzat a intèndere sa cròmpida a Sardigna de sos emigrados.
In palas de custos nùmeros, comente si podet cumprèndere, b'at càmbios mannos in sa carena e in su naturale de sa populatzione sarda gasi e totu comente càmbios mannos b'at àpidu in sa partzimenta sua. Sessanta annos como, in su 1951, sas fèminas e sos mascros fiant belle che pare e oe sas fèminas binchent sos mascros de duos puntos de pro chentu: 51 sas primas, 49 sos àteros. S'àteru càmbiu de importu est cussu chi pertocat s'imbetzada de sos sardos. Si in su 1951 su tempus mèdiu fiat de 34,19 annos e in su 1961 de 39,16 annos, in su 2010 fiat de 43,3 annos, nùmeru chi est pagu prus o mancu su matessi dae su 2001. Beru est chi in mesu b'at àpidu annos, su 1971 pro nàrrere, chi s'edade mèdia fiat prus arta puru, bastende belle sos 50 annos (49,95 pro èssere pretzisos). Si tratat de un'imbetzamentu, custu de sos annos chi cumintzant in su Sessanta in chi non tenet una cajone e bia: in primis sa gherra binta contra s'intempèria pro more de s'impinnu de s'Erlas (Ente Regionale per la Lotta Anti-anofelica in Sardegna) e de sa Rockefeller Foundation; e tando su disterru de mìgias e mìgias de giòvanos a terra istràngia pro chircare traballu chi aiat isboidadu sas biddas, lassende·bi sos prus betzos. Non petzi sa fua de sos giòvanos duncas, ma finas su megioru de sa sanidade, bastet de pensare chi su pro chentu de mortalidade fiat coladu in binti annos (1951-1971) dae su 9,13 a 6,64 mortos cada milli abitantes; oe custu tassu est de 8 mortos cada milli abitantes, ma cheret cunsideradu chi sunt crèschidos sos betzos. In su 1961 sos chi teniant intre 70 e 75 annos fiant 34.082, in su 2001 fiant 69.553; in su 1981 sos chi teniant intre 90 e 94 annos fiant 3.043 e binti annos a pustis 8.094. In dies de oe s'isperu de bida in Sardigna est de 83 annos pro sas fèminas e de 76,2 annos pro sos mascros, su chi cuntribuit a su protzessu de imbetzamentu de sos sardos, presu, custu datu, a un'àteru, su chi si narat tassu de natalidade chi in Sardigna est de 8,1 cada milli abitantes e chi est prus minore de su tassu de mortalidade: s'8 pro milli. Custos datos cherent nàrrere una cosa ladina, chi prus sunt sos mortos chi sos chi naschent, comente mustrant custos nùmeros de sos ùrtimos annos:
2002: tassu de natalidade 8,0; tassu de mortalidade 8,4; crèschida naturale -0,4; tassu migratòriu 4,5; crèschida 4,2
2003: natalidade 8,3; mortalidade 8,9; crèschida naturale -0,6; tassu migratòriu 4,0; crèschida 3,3
2004: natalidade 8,0; mortalidade 8,1; crèschida naturale -0,2; tassu migratòriu 4,4; crèschida 4,2
2005: natalidade 8,0; mortalidade 8,5; crèschida naturale -0,5; tassu migratòriu 3,9; crèschida 3,4
2006: natalidade 8,0; mortalidade 8,4; crèschida naturale -0,4; tassu migratòriu 2,6; crèschida 2,3
2007: natalidade 8,0; mortalidade 8,6; crèschida naturale -0,5; tassu migratòriu 4,2; crèschida 3,7
2008: natalidade 8,1; mortalidade 8,7; crèschida naturale -0,6; tassu migratòriu 3,8; crèschida 3,2
2009: natalidade 8,1; mortalidade 9,0; crèschida naturale -0,9; tassu migratòriu 1,7: crèschida 0,8
2010: natalidade 8,1; mortalidade 8,7; crèschida naturale -0,6; tassu migratòriu 2,4; crèschida 1,8
Si Sardigna sighit a crèschere, mancari de pagu sos abitantes suos, est ca arribant disterrados dae àteras terras. Petzi in su 2009 sunt cròmpidos 33.301 istràngios e 29.201 sunt sos cròmpidos in su 2010. Sunt, craru, sos chi ant tentu su permissu de istare in Sardigna e, duncas, sos chi podent èssere cunsiderados in sas istatìsticas.
Noas canteddu prus craras, mancari non seguras, essint a craru in su Mediuevu cando naschent sos istados sardos, sos chi sunt connotos che Giudicados: Casteddu, Arborea, Gaddura e Torres. A su chi narant meda istudiosos de istoriografia, a fùrriu de su 1000 in antis de Gesucristu, sa populatzione sarda fiat dae 300 a 400 mìgia abitantes e finas de prus, narant àteros istoriògrafos. Ma est cando crompent a s'ìsula, in antis pisanos, genovesos e tando sos aragonesos chi si cumintzant a contare sos “fogos”, est a nàrrere sas famìllias. S'istòricu J. Day narat chi in su 1320 sos abitantes fiant 190 mìgia torrados a 89 mìgia trinta annos a pustis, in su 1350. B'aiat tando, sena contare sas tzitades de Casteddu, Bidda de crèsia, Aristanis, Tàtari, S'Alighera, Bosa e Casteddu aragonesu, 757 bidditzolos (chi torrant a 713 in su 1350) cun 26.662 “fogos” chi mìnimant a 16.859 trinta annos a pustis. Non benit bene, craru, a ischire si custu nùmeru e sa realidade fiant sa pròpia cosa, mancari chèrgiat cunsideradu chi cussos fiant tempos de epidemias chi ant ispèrdidu mìgias e mìgias de persones. Pro ischire cantas podiant èssere sas persones tocat de isetare su primu tzensimentu fatu dae su guvernu ispagnolu in su de 17 sèculos, est a nàrrere in su 1668. Tando, a su chi resurtat a sos ispagnolos, sos sardos fiant belle 265 mìgia chi istaiant in 350 bidditzolos e sete tzitades. Sos “fogos”, est a nàrrere sas famìllias, fiant tando belle 70 mìgia.
Sas famìllias, e duncas sos abitantes, chi sunt minimados de nùmeru de pustis custa conta, cumintzant a crèschere de nùmeru in su de 17 e in su de 18 sèculos. B'aiat 61.145 “fogos” e 230.267 “concas” (abitantes) in su 1698; 66.778 famìllias e 260.486 abitantes in su 1698; 82.314 famìllias e 309.932 abitantes in su 1728 e 110.601 “fogos” e 436.759 abitantes in su 1782. Cheret però naradu chi custos nùmeros non sunt seguros meda e chi sos geògrafos punnant a los crèschere de deghe o bìndighi mìgia.
Megiorende sas cunditziones de bida e perfetzionende·si finas sa manera de fàghere sa conta de sas persones, in sos tempos prus a curtzu a nois non solu creschent sos abitantes ma si faghet prus seguru su nùmeru issoro e su primu tzensimentu fatu in su 1861 colende dae su Regnu de Sardigna a su Regnu d'Itàlia bogat a craru chi in s'ìsula, su 31 de Nadale de cussu annu, b'at 609.015 sardos. Creschet sa populatzione e mancari gasi sa densidade sua sighit a èssere de sas prus bassas in Itàlia: de 25 abitantes cada chilòmetru cuadru in su 1861 (belle 100 in Itàlia), àrtziat a 33 (113 in Itàlia) su primu annu de su sèculu nou e est de 40,5 abitantes cada chilòmetru cuadru in su 1931, cando in su restu de s'Istadu est 132 e de 52,5 in su 1951, 156,5 in Itàlia.
Semper in s'Otighentos, sos àteros duos tzensimentos dant custos datos: in su 1871 b'at una crèschida de su 4,6 pro chentu a paragone de sos deghe annos in antis e sa populatzione est tando de 636.413 persones. Deghe annos a pustis, in su 1881 sos abitantes sunt 680.450 e sa crèschida est belle de su 7 pro chentu, mancari tochet de cunsiderare chi in custa conta sunt cunsiderados siat sos chi istant in Sardigna e siat sos chi mancant pro unu tempus minore.
Arribende a su sèculu coladu, moende dae sos annos a pustis de s'ùrtima gherra, cando torrat s'autonomia sarda, bidimus cales sunt sos nùmeros. Dae su 1936 a su 1951 non b'at àpidu peruna conta de sa populatzione e in su 1951 resurtant 1.276.023 abitantes, su 23,4 pro chentu in prus de sos chi sunt istados contados bìndighi annos in antis. In su 1961 creschent de s'11 pro chentu resurtende 1.419.362 abitantes. In su 1971 sunt 1.473.800, creschende petzi de su 3,8 pro chentu. Deghe annos a pustis, in su 1981 sunt 1.594.175 creschende de s'8,2 pro chentu. In su 1991 b'at 1.648.248 abitantes, su 3,4 pro chentu de deghe annos in antis. In su 2001 sos abitantes mìnimant a 1.631.880 persone, s'unu pro chentu in mancu e in su 2010 sunt 1.675.411 (691.244 sas famìllias), crèschidos a paragone de su 2001 ca si cumintzat a intèndere sa cròmpida a Sardigna de sos emigrados.
In palas de custos nùmeros, comente si podet cumprèndere, b'at càmbios mannos in sa carena e in su naturale de sa populatzione sarda gasi e totu comente càmbios mannos b'at àpidu in sa partzimenta sua. Sessanta annos como, in su 1951, sas fèminas e sos mascros fiant belle che pare e oe sas fèminas binchent sos mascros de duos puntos de pro chentu: 51 sas primas, 49 sos àteros. S'àteru càmbiu de importu est cussu chi pertocat s'imbetzada de sos sardos. Si in su 1951 su tempus mèdiu fiat de 34,19 annos e in su 1961 de 39,16 annos, in su 2010 fiat de 43,3 annos, nùmeru chi est pagu prus o mancu su matessi dae su 2001. Beru est chi in mesu b'at àpidu annos, su 1971 pro nàrrere, chi s'edade mèdia fiat prus arta puru, bastende belle sos 50 annos (49,95 pro èssere pretzisos). Si tratat de un'imbetzamentu, custu de sos annos chi cumintzant in su Sessanta in chi non tenet una cajone e bia: in primis sa gherra binta contra s'intempèria pro more de s'impinnu de s'Erlas (Ente Regionale per la Lotta Anti-anofelica in Sardegna) e de sa Rockefeller Foundation; e tando su disterru de mìgias e mìgias de giòvanos a terra istràngia pro chircare traballu chi aiat isboidadu sas biddas, lassende·bi sos prus betzos. Non petzi sa fua de sos giòvanos duncas, ma finas su megioru de sa sanidade, bastet de pensare chi su pro chentu de mortalidade fiat coladu in binti annos (1951-1971) dae su 9,13 a 6,64 mortos cada milli abitantes; oe custu tassu est de 8 mortos cada milli abitantes, ma cheret cunsideradu chi sunt crèschidos sos betzos. In su 1961 sos chi teniant intre 70 e 75 annos fiant 34.082, in su 2001 fiant 69.553; in su 1981 sos chi teniant intre 90 e 94 annos fiant 3.043 e binti annos a pustis 8.094. In dies de oe s'isperu de bida in Sardigna est de 83 annos pro sas fèminas e de 76,2 annos pro sos mascros, su chi cuntribuit a su protzessu de imbetzamentu de sos sardos, presu, custu datu, a un'àteru, su chi si narat tassu de natalidade chi in Sardigna est de 8,1 cada milli abitantes e chi est prus minore de su tassu de mortalidade: s'8 pro milli. Custos datos cherent nàrrere una cosa ladina, chi prus sunt sos mortos chi sos chi naschent, comente mustrant custos nùmeros de sos ùrtimos annos:
2002: tassu de natalidade 8,0; tassu de mortalidade 8,4; crèschida naturale -0,4; tassu migratòriu 4,5; crèschida 4,2
2003: natalidade 8,3; mortalidade 8,9; crèschida naturale -0,6; tassu migratòriu 4,0; crèschida 3,3
2004: natalidade 8,0; mortalidade 8,1; crèschida naturale -0,2; tassu migratòriu 4,4; crèschida 4,2
2005: natalidade 8,0; mortalidade 8,5; crèschida naturale -0,5; tassu migratòriu 3,9; crèschida 3,4
2006: natalidade 8,0; mortalidade 8,4; crèschida naturale -0,4; tassu migratòriu 2,6; crèschida 2,3
2007: natalidade 8,0; mortalidade 8,6; crèschida naturale -0,5; tassu migratòriu 4,2; crèschida 3,7
2008: natalidade 8,1; mortalidade 8,7; crèschida naturale -0,6; tassu migratòriu 3,8; crèschida 3,2
2009: natalidade 8,1; mortalidade 9,0; crèschida naturale -0,9; tassu migratòriu 1,7: crèschida 0,8
2010: natalidade 8,1; mortalidade 8,7; crèschida naturale -0,6; tassu migratòriu 2,4; crèschida 1,8
Si Sardigna sighit a crèschere, mancari de pagu sos abitantes suos, est ca arribant disterrados dae àteras terras. Petzi in su 2009 sunt cròmpidos 33.301 istràngios e 29.201 sunt sos cròmpidos in su 2010. Sunt, craru, sos chi ant tentu su permissu de istare in Sardigna e, duncas, sos chi podent èssere cunsiderados in sas istatìsticas.