Anela o Gocèanu Che a àteras curadorias de custu regnu, agabbadu chi fiat, intre su 1259 e su 1276, est colada suta su Regnu de Arborea. At tentu a cabu de logu Anela in antis e tando Gocèanu, sa bidda, oe ispèrdida, chi dat su nòmine siat a sa regione istòrica e siat a su casteddu naradu finas de Burgos. Sa curadoria at tentu a cabu de logu finas Borticor chi s'agataiat, in antis de mòrrere, in s'oru de Isporlatu. Nde faghiant parte sas comunas de Anela, Benetuti, Bono, Bòrtida, Urtei, Burgos, Isporlatu, Illorai e Nule. Si podet dare chi cabiat finas unu tretu de sas terras de Orune. In prus de custas biddas e de Gocèanu e Borticor, b'aiat àteras biddas oe ispèrdidas gasi e totu.