Caputabbas At tentu a cabu de logu sa bidda de Gùrulis Vetus, sa chi oe est Pàdria, finas a cando est agabbadu su Regnu de Torres, in su 1259 (1272, pro unos istòricos). Est torrada curadoria regnìcola cando est colada, intre su 1383 e su 1420, a su Regnu de Arborea. Tando su cabu de logu est istadu Monteleone, oe Monteleone Rocadòria. Paret chi, in su mentras, aeret fatu totunu cun sa curadoria de Nurcara. Cabiat sos terrinos chi sunt oe de sas comunas de Bessude, Cherèmule, Cossoine, Giave, Mara, Putumajore, Romana, Tiesi, in prus de sos duos cabos de logu, Pàdria e Monteleone Rocadòria. Nde faghiant parte finas bidditzolos chi oe non b'esistint prus.