Dore o Othan-Oroteddi o Sarule In su cumintzu, ma sos annos non si connoschent, sas curadorias fiant duas: sa de Dore-Othan e sa de Oroteddi-Sarule. Si fiant aunidas pro ca tropu paga fiat sa populatzione. Fiat formada dae sas terras chi oe sunt de sas comunas de Nùgoro, Onieri, Orane, Orgòsolo, Oroteddi, Otzana e Sarule. In prus b'aiat una pariga de bidditzolos oe ispèrdidos. Mortu su Regnu de Torres, sa curadoria est colada a su de Arborea.