Meilogu o Òpia Posta in mèdiu logu, in mesu, est a nàrrere, de s'istadu de Torres, su Meilogu at tentu a bidda manna sa bidda de Àrdara. In antis suo, su cabu de logu fiat Òpia, bidda oe ispèrdida chi s'agataiat in s'oru de sa Mores de oe. Agabbadu su Regnu, dae su 1383 a su 1420 fiat colada a Arborea, aunende·si a sa curadoria de Nughedu. Sas làcanas de sa curadoria cabiat sos terrinos de sas chi oe sunt sas comuna de Àrdara, Bànari, Bunnànnaru, Boruta, Itireddu, Mores, Sìligo e Turalva. Meda de prus, inoghe puru, sos bidditzolos chi nde faghiant parte e chi oe sunt ispèrdidos.