Montiferru Si podet dare chi in su cumintzu su nòmine suo esseret Monti verre, monte de su sirbone, mudadu in ferru colende su tempus. O de gosi o de gasi, sa curadoria est connota finas comente sa de Montiferru. A tentu a cabu de logu sa bidda de Gùrulis noa (Gùrulis vetus fiat su nòmine antigu de Pàdria), est a nàrrere sa bidda de Cùglieri. In prus de issa, nde faghiant parte Santulussùrgiu, Iscanu e Sinnarìolo e unu grustu de bidditzolos isparèssidos. Custa curadoria puru, che a àteras, est colada a su Regnu de Arborea, agabbende su de Torres.